تلخیص: محمد رزاقی
ترابزون تئکورو، قازان خانا بیر شاهین گؤندرمیشدی. قازان خان بیر گون شاهینلری گؤتوروب اووا چیخدیلار. بیر سورو قاز گؤردولر. قازان شاهینی بوراخدی، قازلاردان توتسون. شاهین گئدیب تومان قالاسینا دوشور. قازان دا شاهی‌نین دالیسیجا گلیب کافیر ائل‌لرینه یئتیشیرلر. قازانین گؤزلرینه یوخو گلیر. اورادا یاتیرلار.
نوشته‌های مرتبط
قالانین جاسوسو تئز تئکورا خبر یئتیریر. تئکور آدام گؤندردی. قازان خانی یوخودان آییلدا بیلمه‌دیلر. ۲۵ مین ایگید شهید اولدو. قازانین الینی، آیاغینی برک باغلاییب گتیردیلر. قازانی بیر قویویا سالیب، آغزینا دا دگیرمان داشی قویدولار. یئمک ایچمه‌گینی ده داشین اورتاسیندا اولان دلیکدن وئرردیلر.
تئکورون آروادی بیر گون، گلیر قویونون باشینا قازانین حالینی سوروشور.
قازان دئییر:« بوردا اؤلوله‌ریزین یئمکلرینی آلیب یئییرم».
تئکور اؤز بگلرینی چاغیریب دانیشیرلار. قازان بیزی اؤیسون اوغوزو سیندیرسین، بیر ده بیزیم ائلیمیزه یاغیلیغا گلمه‌سین. بو ایشلری گؤرسه اونو چیخارداریق گئدر.
قازانی گتیریرلر. قازان دئییر:« من دوغرو یولو گؤرورکن اَیری یولا گلمه‌رم». سونرا قوپوز چالیب اوغوزو اؤیدو.
گتیردیلر دونوز دامیندا ساخلادیلار.
آرادان نئچه ایللر کئچدی. قازانین اوغلو بؤیودو. دیواندا بیر کیشی اوغلاندان سوروشدو :« بالا سن قازانین اوغلو دئییلسن‌می؟» اوروز دئدی :« یوخ. منیم آتام باییندیر خاندی.» کیشی دئدی :« یوخ. سنین آتان قازان خاندیر. تومان قالاسیندا توتساقدیر.»
بو سؤزو ائشیدن اوغلان آناسی‌نین یانینا گلدی. آتاسی‌نین ساغ اولماسینی اؤیره‌نیب، اونو قورتارماق اوچون عمیسی قاراگونه‌یه خبر وئردیلر، گلدی. بوتون اوغوز قهرامانلاری توپلاندی. یولا دوشدولر.
تاجیر پالتاریندا اولان اوغوز ایگیتلرینی قالانین ایچینه یول وئرمه‌دیلر. گورزله قالانین قاپی‌سینی قیریب، ایچریده اولان کافیرلری اؤلدوردولر. بو قالانین یاغمالانما خبرینی تئکورا چاتدیردیلار. تئکور اؤز بگلرینی باشینا توپلادی: « قازانی بونلارلا ساواشا گؤندرسک یاخشی اولار» دئیه دوشوندولر.
تئکور قوشونو ییغیب مئیدانا گلدی. چادیر تیکدیردی. ایکی قوشون اوز- اوزه گلدیلر. قازان آتینی سوروب تانیشلیق وئرمه‌دی. بئیرک، دؤلک ووران، آلپ روستم قازانلا ساواشا بیلمه‌دن گئری قاییتدیلار.
اوروز بونلاری گؤروب، آتا، قامچی ووروب مئیدانا گیردی. قازانین اوستونه آت سالیب. قیلینجینی چالدی. قیلینج دؤرد بارماق قازانین چیگنینی دوغرادی. ایکینجیسینی ایسته‌دی وورسون، قازان دئدی:« اوغول منم سالور قازان.» اوروز بو سؤزو ائشیدیرکن آتدان یئره ائندی. آتاسی‌نین الیندن اؤپدو. اوغوز قهرامانلاری قازانین یانینا گلدیلر. یاغیلارا سالدیردیلار.
هامیسی بیرلیکده اوغوز ائلینه دؤندولر. مجلیس قورولدو. دده قورقود گلیب قوپوز چالدی. قهرامانلارین کئچمیشده باشینا گلنلردن دانیشدی.
axarsu.bulanmaz@gmail.com
http://anthropology.ir/node/23671
بخش های پیشین:
بخش اول:
http://anthropology.ir/node/24183
بخش دوم:
http://anthropology.ir/node/25143
بخش سوم:
http://anthropology.ir/node/25925
بخش چهارم:
http://anthropology.ir/node/26378
بخش پنجم:
http://anthropology.ir/node/26752
بخش ششم:
http://anthropology.ir/article/30722
بخش هفتم:
http://anthropology.ir/node/27357
بخش هشتم:
http://anthropology.ir/node/28439
بخش نهم:
http://anthropology.ir/article/29158
بخش دهم:
http://anthropology.ir/article/30434
