تلخیص: محمد رزاقی
اوغوز زامانیندا اوشون قوجا آدلی بیر کیشی واریدی. بونون ایکی اوغلو واریدی. بؤیوگونون آدی اگرک ایدی. باییندیر خانین گؤروشونه، هاچان ایسترسه گئدردی. سالور قازانین قاباغیندا اوتوراردی.
نوشته‌های مرتبط
بیر گون ییغیناقدا ترس اوزامیش آدلی بیر ایگیدین بو ایشدن آجیغی توتور. دئییر:«بورادا اوتورانلار هامیسی قهراماندی. سن کیمدن آرتیقسان بو سایمازلیقلاری ائدیرسن؟ سن نه ایگیدلیک ائتمیشسن؟
اگرک قازاندان ایجازه آلیب اوچ یوز سونگولو ایگیدله یولا دوشورلر. گؤیجه دنیزینه قدر آت چاپیرلار. الینجه قالاسینا یئتیشیرلر. قارا تئکور آلتی یوز آدام یوللور. اوچ یوز ایگیدی قیریب اگرکی توتساق ائدیرلر. بو خبر اوشون قوجا قوهومونا چاتیر. آغ گئییملری چیخاریب قارا گئییرلر.
اوشون قوجانین اوغلو سگرگ بؤیویور. بیر دلی ایگید اولور.
بیر ییغیناغدا بیر یئتیمی وورور. یئتیم اوشاق دئییر :« بیزی نییه وورورسان؟ چیخارین وارسا گئت قارداشین اگرکی الینجه قالاسیندان چیخارت.»
سگرگ ائولرینه گلیب آناسیندان سوروشور. آناسی دئییر یالاندیر. آتاسی دا بونون گئتمه‌سیندن قورخاراق دئییر بو سؤز یالاندیر.
سالور قازانا آدام یوللورلار. اوغلان ایسته‌ییر گئده قارداشینی قورتارا.
سالور قازان دئییر :« ائولندیرین.»
اوغلانین آداخلیسی واریدی. تئز توی ائتدیلر. اوغلانی گرده‌یه قویدولار. سگرگ اؤز قیلینجینی چیخاریب آرالارینا قویدو. قیزا دئدی :« قارداشیمی گتیرمه‌دن گرده‌یه گیرمم.»
اوچ ایله گلدیم هئچ. گلمزسم یاسیمی توتوب آشیمی وئر.
قیز دئییر :« نئچه ایل چکسه یولون گؤزله‌رم.»
سگرگ آتا آناسینین الینی اؤپوپ قارا قوچ آتینا میندی. اوچ گون گئجه گوندوز آت چاپدی.
قارداشی توتولان قوروغا گلدی. ایلیخچیلار آت اوتاریردیلار ایلیخچیلاری سالدیریب بیر نئچه‌سینی اؤلدوردو. کافیرلرین جاسوسو قارا تئکورا خبر آپاردی. اوغوزدان بیر دلی ایگید گلیب ایلیخچیلاری اؤلدوروب. تئکور آلتمیش آدام یوللور اونو توتوب گتیرسینلر. تئکور آداملاری ساواشدا سگره‌گه یئنیلدیلر.
ایکینجی یول یوز آتلی، اوچونجو یول اوچ یوز آتلی گلدی. آنجاق اوغلان ساواشی قازاندی.
تئکورا دئدیلر: « بیزیم الیمیزدن بیر ایش گلمیر. دوستاقدا اولان ایگیدی گؤنده‌رک».
اگره‌یی گتیریب یئدیرتدیلر، ایچیرتدیلر، اوزونون ساچینی قیرخدیلار. آت قیلینج وئردیلر. قوشون قوروغون یانیندا دایانیب سگره‌گی گؤستردیلر.
اگرک گلدی ایگیدین یانینا، گؤردو یاتیب بئلینده قوپوز وار. قوپوزو اوغلانین بئلیندن چیخاریب چالدی سؤیله‌دی. سگرگ آینیدی. قیلینجینی چکدی. گؤردو الینده قوپوز وار. دئدی: « ایه یاغی! ددم قورقودون حؤرمتینه چالمادیم. الینده قوپوز اولماسایدی قارداشیمین باشی اوچون سنی ایکی بؤلردیم.»
چکدی قوپوزو اونون الیندن آلدی. بیر- بیرینه سؤز اوخورکن قارداش اولدوقلارینی بیلیب بیر- بیریله قوجاقلاشدیلار. اگرک کیچیک قارداشین بوینوندان اؤپدو. سگرگ ایسه بؤیوک قارداشی‌نین الینی اؤپدو.
ایکی قارداش آتلارینا مینیب چاپدیلار. هامیسینی قالایا تؤکدولر. «دره‌شام» سویونو کئچیب آخشام اوستو اوغوزون سرحددینه چاتدیلار.
آتاسینا موشتولوق گؤندردیلر. گومبور طبیللر وورولدو. آلتین بورولار چالیندی. بؤیوک توی مجلیسی قورولدو. اگره‌یه ده بیر گؤزل قیز آلیب ایکی قارداش قوشا گرده‌یه گیردیلر.
دده قورقود گلیب قوپوزو چالدی. بو بویو دوزدو.
axarsu.bulanmaz@gmail.com
http://anthropology.ir/node/23671
بخش های پیشین:
بخش اول:
http://anthropology.ir/node/24183
بخش دوم:
http://anthropology.ir/node/25143
بخش سوم:
http://anthropology.ir/node/25925
بخش چهارم:
http://anthropology.ir/node/26378
بخش پنجم:
http://anthropology.ir/node/26752
بخش ششم:
http://anthropology.ir/article/30722
بخش هفتم:
http://anthropology.ir/node/27357
بخش هشتم:
http://anthropology.ir/node/28439
بخش نهم:
http://anthropology.ir/article/29158
از همین نویسنده پیش از این در انسان شناسی و فرهنگ منتشر شده است
http://anthropology.ir/node/14952
http://anthropology.ir/node/23802
http://anthropology.ir/node/23935
http://anthropology.ir/node/18508
http://anthropology.ir/node/19899
http://anthropology.ir/node/24041
