منوچهر سعید وزیری طرفیندن زنگان شهرینده لیتوگرافیا اوصولویلا تورکچه اولاراق «آذربایجان دموکرات فیرقه سی زنجان ویلایت کومیته‌سی» آدینا امتیاز صاحیبی و مسئول مودورلوغونو منوچهر سعید وزیری یاپمیشدیر.۱۳۲۴-۱۳۲۵ ایلینده ۸۳. ساییدان سونرا قاپانمیش ایلک سایی چهارشنبه ۱۳۲۴/۱۱/۱۰ سون سایی ۱۳۲۵/۸/۲۹ یایینلانان غزئته آرشیویمیزده موجوتدور. غزئته، آذربایجان دموکرات فیرقه‌سینین فیکیرلرینین تبلیغینه آغیرلیف وئرمیشدیر. هفته‌ده ۲ دفعه اوخوجولارا سونولان بو غزئته دموکرات فیرقه‌سی داغیلدیقدان سونرا ۱۹۴۷ ایلینده باقانمیشدیر. غزئته ۴ صایفا اولاراق باسیلیرمیش یالنیز ۱۵. ساییدا ۲ سایفا اک باسقیسی دا یایینلانمیشدیر. زنگاندا بیر ایل بویونجا کولتورل، سیاسال و باشقا قونولارلا ایلگیلی خبر و مقاله‌لر بو غزئته‌ده یازیلیب یایینلانماسینی گؤروروک.
بو غزئته‌ده یازیلانق بئله سیرالاماق مومکوندور: سیاسی ایچ خرلر، سیاسی خاریجی خبرلر، قادینلارین آموزشلری، خالق‌بیلیمی، سئچیم خبرلری، مصاحبه، کولتورل چالیشمالارین خبرلری اؤزللیکله مدنیت ائوینین آچیلیشی، تیاترو خبرلری،….
آذرین تحریر هئیئتی بیرینجی ساییدا دوکتور جاهانشاهلو، موهندیس محمود نوایی، خسرو دارایی(۱۸۹۳- ۱۹۴۱)، خانیم بولوری (۱۹۲۶-۲۰۰۰)، منوچهر سعید وزیری(۱۹۲۰-۲۰۱۴)، ضیا، موهندیس زند ایسیملی یازارلار وئریلمیشدیر. آبونمان سیستئمی ایللیک ۲۰۰ ریال، ۶ آیلیق ۱۰۰ ریال، ۳ آیلیق ۶۰ ریال اولاراق دؤردونجو صایفانین سؤن بؤلومونده قید آلینمیش و رئکلاملارین فییاتلاری ایسه غزئته‌نین فردوسی خیابانیندا اولان ایش یئرینده ایکی طرفلی آنلاشمالی اولاراق یازییا آلینمیشدیر. توانا مطبعه‌سینده چاپ اولان بو غزئته‌نین ایلک ساییسیندا ایچ تاساریمدا یازیلار سوتونلارا بؤلونموش عکس و گول ناقیشلاریدا صایفالاردا گؤرونور
