تلخیص: محمد رزاقی
گونلرین بیرینده باییندیرخان ییغیناق قورموشدو. دیش اوغوز، ایچ اوغوز قهرامانلاری هامیسی توپلانمیشدیلار. دوققوز پارا کند اولان گورجوستان ماحالی‌نین خراجی گلدی. بیر آت، بیر قیلینج بیر چوماق گتیردیلر.
نوشته‌های مرتبط
باییندیرخان بونلاری گؤروب اوزولدو. دده قورقود دئدی:«خانیم نییه اوزولدون؟»
دئدی:«ایلده قیزیل، گوموش یوللاردیلار. ایگیدلره پایلاردیم. ایندی بونو کیمه وئریم؟»
دده قورقود دئدی: «بونون اوچونو، بیر ایگیده وئر. اؤز آداملارینی گؤتورسون گئتسین سرحدده دایانسین. اوغوز ائلینه قاراوول اولسون.»
باییندیر خان ساغینا سولونا باخیب بکیل آدلی ایگیده وئردی.
بکیل قالخدی. یئر اؤپدو. دده قورقود دوروب اؤزو قیلینجینی اونون بئلینه باغلادی. چوماغی اوموزونا بوراخدی. یایی قولونا کئچیرتدی. بکیل چادیرلارینی ییغیشدیریب، کؤچدو. برده‌یه، گنجه‌یه گئدیب اورادا یورت سالدی. قاراوول اولدو. سینیرلاری قورودو.
ایلده بیر یول باییندیرخان دیوانینا گلردی.
بکیل اوو توتمادا چوخ باجاریقلی‌ایدی. قازان بیر یول سوروشدو:«بو هونر(اوو توتماق) آتیندیر یوخسا کیشینین دیر؟» باییندیر خان دئییر: « آت ایشله‌مسه کیشی باجارا بیلمز».
بکیل بو سؤزدن خوشو گلمیر. خانین دیوانیندان چیخیب ائوینه قاییدیر.
بکیلین قادینی اونون اوزونتوسونو گؤروب ندنینی سوروشدو. بکیل دئدی:«خان منی آجی سؤزله اینجیتدی.» آروادی دئدی:«عئیبی یوخ. ایگیدلرله اووا چیخسان، کؤنلون آچیلار.»
بکیل ایگیدلرینی یانینا آلیب آلپ داغیندا اوولاماغا گئدیر. بیر بوغانی توتاندا بکیلین ساغ اومباسی قایایا توخونوب سینیر. بکیل اوو دالیسیجا گئدرکن یولداشلاریندان اوزاقلاشیب آیریلمیشدی. بکیل گوجله آتینا مینه‌رک، آت اونو اوباسینا گتیریر. ایمران باهادیر آتاسی‌نین قارشیسینا چیخیر. ایمران آتاسینی ائندیریب، آپاردی دؤشه‌گینه قویور. اوتاغین قاپیسینی اؤرتور.
کافیرلرین جاسوسو واریدی. تئز خبر آپاردی. بکیل آتدان دوشوب اومباسی سینیب. نئچه گوندور ائودن چؤله چیخمیر.
تئکور آداملارینا دئییر: «گئدین بکیلی اؤلدورون، ائلینی چاپین. قیز گلینینی توتساق ائدیب گتیرین.»
بکیلین ده اورادا جاسوسو وارمیش. تئز گلیب خبری بکیل گیله یئتیریر.
بکیل اوغلونو چاغیریب دئییر:«باییندیر خانلا قازانین یانینا گئت. دئگینن اؤزلرینی تئز یئتیرسینلر. گلمسه‌لر مملکت باتاجاق.» اون‌بئش یاشینا گیرن ایمران دئدی: «قازانین یانینا گئتمک گرکمیر. من اؤزوم مئیدانا گئدرم. اونلارلا ساواشارام.» ایمران آتاسی‌نین پالتارلارینی گئییر. اوچ‌یوز ایگیتله مئیدانا چیخیر.
یوز کافیر اوغلانین اوستونه گلیرلر. ایمرانین ساواشدان واز کئچمه‌سینی ایسته‌ییرلر.
اوغلان بکیلین اوغلو اولدوغونو اونلارا بللی ائتمه‌مه‌لیدیر.
تئکورلا ایمران اوخ، قیلینج، قالخان ساواشیندان سونرا گولشمه‌یه باشلاییرلار. ایمران تانرییا یالواراراق قیرخ کیشینین گوجونو آلیر. یاغینی باشینا گؤتوروب یئره چیرپیر. سونرا اونون باشینی کسمک ایسته‌ییر. تئکور یالواردی دئدی: «من موسلمان اولارام». قالان کافیرلر قویوب قاچدیلار. ساواشدان قاییتدیلار. آغ‌ساققاللی آتاسی اونو قارشیلاییب. آلنیندان اؤپور. بؤیوک مجلیس قورورلار. اوغلونا قاراداغدان یایلاق وئردی. قیزیل، دوه، آغجا قویونلار باغیشلادی.
ایمران آداخلی‌ایدی. آناسی قیرمیزی گردک قوردو. توی ائدیب اوغلانی گرده‌یه سالدی.
باییندیرخانا خبر چاتدی. بکیلی چاغیریب گؤیلونو آلدیلار. قازان، اوغلو اوروزون ساغ یانیندا اونا یئر گؤستردی. بکیله قیمتلی گئییملر، جوببه چوخا و باشقا هدیه‌لر باغیشلادیلار.
دده قورقود قوپوز چالیب بو دستانی بکیل اوغلو ایمرانین آدینا سؤیله‌دی.
axarsu.bulanmaz@gmail.com
http://anthropology.ir/node/23671
بخش های پیشین:
بخش اول:
http://anthropology.ir/node/24183
بخش دوم:
http://anthropology.ir/node/25143
بخش سوم:
http://anthropology.ir/node/25925
بخش چهارم:
http://anthropology.ir/node/26378
بخش پنجم:
http://anthropology.ir/node/26752
بخش ششم:
http://anthropology.ir/node/27106
بخش هفتم:
http://anthropology.ir/node/27357
بخش هشتم:
http://anthropology.ir/node/28439
از همین نویسنده پیش از این در انسان شناسی و فرهنگ منتشر شده است
http://anthropology.ir/node/14952
http://anthropology.ir/node/23802
http://anthropology.ir/node/23935
http://anthropology.ir/node/18508
http://anthropology.ir/node/19899
http://anthropology.ir/node/24041
