تلخیص: محمد رزاقی
تصویر: برگی از نسخه موجود در کتابخانه درسدن آلمان
نوشته‌های مرتبط
بیر گون خانلارخانی باییندیرخان آغ‌بان ائوینی قوروب. ایچ اوغوز بگلری دانیشیغا گیرمیشدیلر.
قاضی‌لیق قوجا باییندیرین وزیری ایدی. دیزلری اوسته چؤکوب، یوروشه چیخماق اوچون باییندیردان ایجازه ایسته‌دی. باییندیرخان اونا بو ایجازه‌نی وئردی.
قاضی‌لیق‌قوجا یولداشلارینی توپلاییب، یولا دوشدولر. دوزمورد قالاسینا گلیب چاتدیلار. بو قالا، قارا دنیزین یانیندا ایدی.
او قالا آرشین اوغلو دیرک تئکورون ایدی. اونون آلتمیش آرشین بویو وار ایدی. قاضی‌لیق قوجا، قالایا چاتان کیمی دؤیوشه باشلادی. قاضی‌لیق قوجانین قیلینجی آرشین اوغلو دیره‌گی کسه بیلمه‌دی. آرشین اوغلو دیرک آلتمیش باتمان گورزو ایله قاضی‌لیق قوجانی ووروب، آتدان سالدی. سونرا اونو توتدولار. ۱۶ ایل دوستاقدا قالدی. امن آدلی بیر کیشی، آلتی یول اورا قوشون چکدی آنجاق قالانی آلا بیلمه‌دی.
قاضی‌لیق قوجا دوستاق اولدوغو زامان بیر اوغلو وار ایدی. بو اوغلان ۱۵ یاشینا گیرمیشدی، آتاسینی اؤلموش بیلیردی. اوغلانین آدی یئگنک ایدی.
گونلرین بیر گونو یئگنک ایله قارابوداق (قارا گونه نین اوغلو) سؤزلری چپ گلدی. بوداق دئدی: «قوچاقسان گئت آتانی قورتار. اون‌آلتی ایلدیر، دوزمورد قالاسیندا دوستاقدیر».
یئگنک بونو ائشیتجک، باییندیرخانین قوللوغونا گلیب، باش اندیریب یئر اؤپدو: آتاسی‌نین دوستاقدان چیخارتماسی اوچون باییندیرخاندان قوشون ایسته‌دی.
۲۴ اوغوز بویونون ایگیتلری، دلی‌دوندار، دولک‌ووران، یاغرینچی اوغلو ائلالمیش روستم، دلی ووران، سوغان سارینی یئگنکه یولداش وئردی، گئتسین.
یئگنک یوخودا داییسی امنی گؤردو. امن، بو ایشدن واز گئچمه‌سینی ایسته‌ییر. آنجاق یئگنک اونون سؤزونه باخماییر. بو یوخونو یولداشلارینا دانیشیر. داییسی امن ده یئگنکه قوشولوب گلیر.
دوزمورد قالاسیندا مئیدان قورولور. دلی دوندار ایلک دؤیوشده آرشین اوغلو دیره‌یه یئنیلیر گئری دؤنور. دولک‌ووران دا آرشین اوغلو دیرکله باشارا بیلمه‌ییر. یئگنک اؤزو مئیدانا چیخیر. یئگنک اؤز گوجونه، اینامینا ایناناراق ساواشا گیریر. آرشین اوغلو دیره‌گی ایلک چیگنیندن یارالاییر سونرا قیلینجین انیله باشیندان ائله وورور، توپ کیمی یئره دوشور. قاضی‌لیق قوجانی دوستاقدان چیخارتدیلار. اوغول آتا بیر- بیریله گؤروشوب بوتون اوغوز آتلیلاری ساواشا گیریرلر. قالانی آلیرلار.
یوردلارینا دؤنن بگلر مجلیس قوروب، دده قورقود گلیر. قوپوزونو گؤتوروب سؤی سؤیله‌ییر بوی بویلاییر. بو اوغوزنامه نی یئگنکین آدینا دوزور.
axarsu.bulanmaz@gmail.com
http://anthropology.ir/node/23671
بخش های پیشین:
بخش اول:
http://anthropology.ir/node/24183
بخش دوم:
http://anthropology.ir/node/25143
بخش سوم:
http://anthropology.ir/node/25925
بخش چهارم:
http://anthropology.ir/node/26378
بخش پنجم:
http://anthropology.ir/node/26752
بخش ششم:
http://anthropology.ir/node/27106
از همین نویسنده پیش از این در انسان شناسی و فرهنگ منتشر شده است
http://anthropology.ir/node/14952
http://anthropology.ir/node/23802
http://anthropology.ir/node/23935
http://anthropology.ir/node/18508
http://anthropology.ir/node/19899
http://anthropology.ir/node/24041
