ددم قورقود- بئشینجی بوی- دوخا قوجا اوغلو دلی دومرول بویو (۵)

تلخیص: محمد رزاقی

اوغوز ائلینده دوخا‌قوجا اوغلو دلی دومرول دئییلن بیر قهرمان وار ایدی. بیر قورو چایین اوستونده بیر کؤرپو سالمیشدی. کئچندن اوتوز اوچ آقچا(عثمانلی زامانی گوموش پول)، کئچمه‌یندن دؤیه‌رک قیرخ آقچا آلاردی. بو ایشله ایسته‌ییردی اؤزوندن دلیسینی تاپیپ اونونلا ساواشا.
گونلردن بیر گون کؤپروسونون یانیندا بیر اوبا(کؤچه ریلرین قوردوغو چادیرلارین یئری) دوشور. اوبادا بیر گؤزل اوغلان اؤلور. بوتون قوهوملار اونا گؤر آغلاییردیلار. دلی دومرول آغلاشما سسینی ائشیدیب اؤزونو اورایا یئتیردی. سوروشدو: ندن آغلاییرسیز؟ دئدیلر: بیزیم بیر یاخشی ایگیدیمیز واریدی، اؤلوب. اونا گؤره آغلیریق.

دلی دومرول دئدی: اونو کیم اؤلدوروب؟ دئدیلر: آل قانادلی عزراییل.

دلی دومرول داغلاردا، چؤللرده اولدوغونا گؤره عزراییلدن بیر سؤز ائشیتمه‌میشدی. آجیقلانیب بئله دئدی: تانری! او عزراییلی منه گؤرست. اونونلا گوله‌شیم. دای بو آداملارین جانینی آلماسین.

بو سؤز تانرییا خوش گلمه‌ییب عزراییلی گؤندردی. دلی دومرولون جانینی آلسین. بیر گون عزراییل دلی دومرولون یانینا گلدی. دلی دومرول اونون کیم اولدوغونو سوروشدو. عزراییل کیم اولدوغونو دلی دومروله دئدی.

دلی دومرول قیشقیردی: قاپیچیلار قاپینی باغلایین. عزراییل الیمیزه دوشوب. قیلینجلا عزراییلی وورماق ایسته‌دی. عزراییل گؤیرچین اولوب باجادان اوچدو.

دلی دومرول آتینی مینیب اونون دالیسیجا یولا دوشدو. یولدا ایکی گؤیرچینی اؤلدوروب ائوینه گئری (دال) دؤندو. عزراییل یولدا دلی دومرولون آتی‌نین گؤزونه گؤرسه‌نیب آت هورکدو(قورخدو). دلی دومرول یئره دوشدو. عزراییل بونون سینه‌سی اوستونه قوندو.

دلی دومرول عزراییله یالوار یاخار ائله دی. جانینی آلماسین.

عزراییل دئدی: تانرییا یالوار. منیم الیمدن بیر ایش گلمز.

دلی دومرول تانرییا بئله دئییر: سن اوجالاردان اوجاسان. کیمسه بیلمز نئجه سن. منیم جانیمی آلیرسان اؤزون آل.

بو سؤزلر تانرینین خوشونا گلیب، عزراییله دئدی: دلی دومرول منیم بیرلیگیمی بیلدی. اؤز جانی‌نین یئرینه بیر آیری جان تاپیپ وئرسین. اؤزو دیری قالسین. عزراییل تانرینین سؤزونو دلی دومروله دئدی.

دلی دومرول دئدی: دونیادا بیر قوجا آتام، بیر قوجا آنام وار، گئدک اونلارین یانینا بیریسی جانین وئرر.

دلی دومرول آتاسی‌نین یانینا گلیب، الیندن اؤپدو. اولانلاری آتاسینا دئدی. آتاسی دئدی من جانیمی وئره بیلمرم گئت. آنان وئرسین.

دومرول آناسی‌نین یانینا گلدی: آنجاق آناسی‌ دا جانی‌نی وئرمه‌دی.

عزراییل ایسته‌دی دلی دومرولون جانینی آلسین. دئدی: من حایات یولداشیمی گؤروب، ایکی اوغلومو اونا تاپشیریم. اونلارلا گؤروشوم، سونرا جانیمی آل.

دلی دومرول خانیمینین یانینا گلیب. باشیندان کئچنلری اونا سؤیله‌دی. خانیم اؤز جانینی وئرمک ایسته‌دی. عزراییل اونون جانینی آلیرکن دلی دومرول اوزونو گؤیه توتوب بئله دئدی: تانری سنین یولوندا ائولر تیکرم، چایلارا کؤرپو سالارام، یول چکرم، آجلاری دویورارام، چیلپاغا(لوت) پالتار وئررم. جانیمی آلماق ایسترسن ایکیمیزین جانینی بیرگه(بیرلیکده) آل قالمالی اولساق دا ایکیمیز قالاق.

تانری عزراییله بئله بؤیوردو(دستور وئردی): آتاسییلا آناسینین جانینی آل. بونلارا یئنیدن یوز قیرخ ایل عؤمور وئردیم.

بئله اولونجا ائلین قوجا اوزانی دده قورقود گلیر، قوپوزو چالیر دستان قوشور.

محمد رزاقی

دانشجوی کارشناسی ارشد: انیستیتوی تحقیقات جهان ترک- تاریخ ادبیات جهان ترک

axarsu.bulanmaz@gmail.com

http://anthropology.ir/node/23671

بخش های پیشین:

بخش اول:
http://anthropology.ir/node/24183

بخش دوم:
http://anthropology.ir/node/25143

بخش سوم:
http://anthropology.ir/node/25925

بخش چهارم:

http://anthropology.ir/node/26378

از همین نویسنده پیش از این در انسان شناسی و فرهنگ منتشر شده است

http://anthropology.ir/node/14952

http://anthropology.ir/node/23802

http://anthropology.ir/node/23935

http://anthropology.ir/node/18508

http://anthropology.ir/node/19899

http://anthropology.ir/node/24041

دوست و همکار گرامی
چنانکه از مطالب و مقالات منتشر شده به وسیله «انسان شناسی و فرهنگ» بهره می برید و انتشار آزاد آنها را مفید می دانید، دقت کنید که برای تداوم کار این سایت و خدمات دیگر مرکز انسان شناسی و فرهنگ، در کنار همکاری علمی، نیاز به کمک مالی همه همکاران و علاقمندان وجود دارد.
کمک های مالی شما حتی در مبالغ بسیار اندک، می توانند کمک موثری برای ما باشند:

شماره حساب بانک ملی:
۰۱۰۸۳۶۶۷۱۶۰۰۷

شماره شبا:
IR37 0170 0000 0010 8366 7160 07

شماره کارت:
۶۰۳۷۹۹۱۴۴۲۳۴۱۲۲۲

به نام خانم زهرا غزنویان